幼兒園(N班)面試戰 (一) 之報名

Nursery 班(兩歲班)可讀可唔讀，但心知細B （即9至12月出生）interview時會較為蝕底，亦為左拎多少少實戰經驗，除了報左屋企附近較受歡迎嘅幼稚園，亦膽粗粗地報左幾間九龍塘嘅名幼 (唔係間間名幼接受細B申請)。

 

幾時開始要報名N班呢?　首先你要計一計小朋友幾時足兩歲，足兩歲果一年既九月後入學（法例規定要足兩歲先可讀N班），就係前一年既年中開始留意各幼稚園公佈嘅收生程序。

例如小朋友2012年5 月或11 月出生，都可以係2014年度學年入學（5 月出生就9月開學；11 月出生就11或12月插班開學），咁就要喺2013年8月開始留意有關消息。

 

點樣選擇報N班呢?　首先，又係要睇自己能力同需要。「能力」最主要係講$$，因為N班係冇學卷嘅，幼稚園收嘅學費或雜費基本上係冇咩譜既，亦好肯定唔係一分錢一分貨，所以可以衡量吓自己甘心比幾多錢去讀N班先。「需要」就係點解要報N呢?　如果主要想佢習慣返正統學校(例如學自理、合群)同kill time，可以先集中火力去research吓自己區既幼稚園 (俗稱村校，村校都有好多筍野，只不過外區人未必留意)。如果想為考K班或甚至考小學鋪路，可擴大搜索範圍去D較有名氣或口碑好嘅外區學校。

 

http://203.169.204.5/kindergarten/index.html

http://www.myschool.hk/district.php

 

當然都要考慮下交通安排（有D學校未必有齊各區校車線）、老師質素　(有冇愛心、呢點最重要)、學校設施 (全室內定有室外地方，多室外地方冇貢易病)、課程形式或內容（有D要考試同差唔多日日都有功課，未必個個家長buy）、家長既參與　（有D得閒就要做吓親子勞作、又要為生日會整野食，又係未必個個家長都like），但以上都可以等有offer時先至慢慢比較（直接D講，收先算啦）。　

又偷EK金句：「冇最好，只有更適合!」。每間幼稚園都有佢做得好或做得冇貢好嘅地方，有名氣嘅未必meet到你既需要，亦未必係最啱你個小朋友。