近來係網上發現唔少外媽咪都提倡 home school, 更有媽咪好有心機 upload 大量DIY free pre school printables 同home lesson plan上blog，令我突然好想跟風，同大家share下喺香港(令人難頂但又無奈嘅教育貿制度…) 自家早教嘅體驗 (順便等我回憶一下Baby嘅成長點滴)。
至於自家教嘅好處都應該唔駛多講喇，親子、慳D錢、慳D
travelling既時間，最重要係可以根據自己細路嘅實際愛好同認知水平去調教，了解同第一身感受到自己細路嘅發展。而且，對於細路仔黎講，興趣有時真係要”培”同”陪”出黎， 父母往往係細路接觸新事物嘅第一個老師。試想想，你希望你嘅細路會同人講:「媽咪同我一齊唱ABC 歌」定係「阿咩老師教我唱 ABC 歌 」 呢。又試試想像，你嘅細路講「媽咪同我一齊唱ABC 歌」定係「係阿咩老師教我唱 ABC 歌 」會興奮D同期待D呢?
自謙唔識教? 唔緊要，識上網偷師就得。
冇時間教?
貴精不貴多，就算一日得十五鐘都得; 再唔係，生活上好多時機都可以教，例如換片同沖涼時可以講身體器官、食飯時又以講下食物邊度黎..
個細路唔會坐定定聽教? 咁唯有辛苦少少，同佢一齊騰黎騰去咁教。
最後，自家教嘅重點係細路其實需要既係你，唔係玩具、唔係教材…
沒有留言:
張貼留言