3 – 6 個月教玩篇（一）之海報

「嘩！3 個月就早教?太早喇？有冇用架？」(RELAXXXX~~~~) 喺呢個BB努力學抬頭、轉身同坐同開始八卦嘅時候，可以試試用方法多D去刺激BB視覺、觸角同聽覺嘅發展，重點係好多好多好多嘅肌膚之親。

 

初時見到朋友送比我既二手BB用品中有十幾張冇特別主題嘅poster，靈機一閃同貪平之下就淘左十多張早教poster，當然畫工設計唔吸引（極leung），簡體字，偶爾更會串錯字，但又本著貼下無妨、唔啱就掉嘅心態（唔計運費，一蚊人仔一張，仲想點？），隨意拎左三張貼喺BB房，結果一貼就貼到而家。

 

Baby自己可以挺直身，我就每日都企係樹抱住佢，對住poster慢唱 ABC song或唸弟子規，c6就用手指指住poster對應位置，guide住Baby睇。我地見Baby冇咩反抗，就keep住做下啦，但Baby愈大愈重，我呢個虎媽（虎背熊腰）亦自然愈做愈疏，直到Baby開始識手指指（唔記得喺幾時），有一日佢喺床上玩玩下突然指住張poster，我地醒水抱佢同佢睇，佢好enjoy，從此就成日比佢老點抱住佢去做人肉發聲poster。

 

唔知道係咪因為細個時比人日哦夜哦（潛移默化）嘅關係，Baby對ABC既嘢似乎都好有興趣，包括Youtube alphabet 或者phonics song，ABC puzzle (稍後有另一篇blog寫關於alphabet既training）。

 

其實，坊間或淘寶有真正發聲海報（淘寶上叫有聲掛圖），有會加入如動物叫聲或交通工具聲音、可以比大d嘅細路自己點黎聽聲，但我個人都係prefer Baby聽我把聲多D，而且我又prefer D posters設計比較簡單，唔需要太多details，一來冇貢眼花、二來與其企係樹講貢多耐（手同腳仔都軟），不如用坐低用閃卡或書講。