上網一打閃卡，就會發現五花八門既閃卡、什麼左右腦、杜曼、七田、黑白卡、點數卡。睇完一大輪，我呢個貪媽（貪平、貪快同貪新鮮）諗住主要比Baby係床上有野望下，又自問冇咁既恆心同咁聽話去跟著成套卡flash，所以又係淘左套入門版黑白同圓點卡（1-20）同少量嘅實物認知卡就算。
如我所料，起初兩、三個星期我都有每日跟指引去慢閃黑白同圓點卡，慢慢又開始打亂章，隨意閃閃。至於快閃定慢閃好呢？網上有唔同論點，我只係覺得快閃攪到自己比較緊張，自己手指又唔夠靈活，所以都係傾向慢慢閃。
至於效果呢？用左三個月到，我自己覺得好悶，加上Baby又似乎冇咩反應，所以當有第二款卡出現時就打左入冷宮。
Baby 對於認知咭明顯有興趣（可能比較colorful 同真實d)，會伸手去摸，到佢慢慢大d又可以有唔同嘅玩法 (例如玩 matching 或者 show
and tell)。如果你個B唔會食咭或撕咭，套咭都可以好襟玩。
至於應該比BBb先認識實物圖好定先cartoon圖好，我自己就覺得可視乎件物件係邊類型，如果喺一d平時日常生活好易接觸到嘅野（例如生果），先睇cartoon圖亦無妨。相反，如果喺比時較少機會直接接觸嘅野（例如海洋生物），就可能先睇相好d。不過，bb既聯想力同想像力其實好豐富，好快轉到channel ，所以都不必太著緊。
我一相情願地諗，Baby 對眼幾利，例如睇d"找不同＂嘅書，有時佢會搵得快過我同c6, 有時佢會突然指住遠處一棵樹話有隻雀仔，我望真d又真係。唔知係米同有睇咭有關? 定係同佢愛食blueberry 有關呢?
沒有留言:
張貼留言