家長嘅抉擇 - 做細B定大B?

E個係一個細B家長一定會1516過嘅問題。

 

首先，咩野係大B細B?

籠統計9-12月出世嘅B俗稱叫細B（亦叫細仔），年頭出世嘅係大B（亦叫大仔），年中既係

中B。

明明係細B，點解可以變大B (正確D應該係叫超大B)? 首先提提下以幾個重要日子:

學前班/兩歲班 (PN/N班)：足兩歲先至可以入讀（教育署規定）

幼兒班/低班 (K1班)：       一般足兩歲八個就可以讀 (但有個別名幼喺申請時會註明出世既月份，即係就算係啱啱足兩歲八過月都未必可以申請）
小學(P1班)：  五歲八個月( 以九月一日入學時為準)至七歲為之適齡 (適齡係小學統一派位會有10分，呢10分都幾重要)

根據上面三個既日子，大B同中B只要好簡單咁將出世年份加2，3同6年，就知道應該邊一年入讀，唔駛心多多，唯一係要諗讀唔讀N班。

細B呢？簡單地亦可以照出世年份咁加2，3同6年，但因為只要七歲前入小學就OK，會多D選擇，假設阿B係2011年10月出世，至少有以下嘅玩法:

 

方案／ 入學年份	N	K1	P1	補充
1A	2013	2014	2017	做細B，一條大路通羅馬，成功考到心水幼稚園同小學
1B	---	2014	2017
2A	2013	2014 2015	2018	進可攻，退可守，原本做細B，睇阿B學習能力同考到更啱心水幼稚園嘅需要而做超大B，repeat K1
2B	---	2014 2015	2018
3A	2013	--	---	超大B，repeat N
3B	2014	2015	2018
4A	2013	2014	2018	Repeat K2 (插班更啱心水幼稚園)
4B	--	2014	2018
5A	2013	2014	2018	Repeat K3(插班更啱心水幼稚園)
5B	--	2014	2018
6A	2014	2015	2018	保守型，疊埋心水做超大B
6B	---	2015	2018

 

嘩！好似好複雜咁，咁點決定做超大B定細B?　先睇睇一般坊間嘅意見。

 

做細B好處係可以保留多一個機會選擇心儀嘅kg或小學；名幼普遍like 收大B (但以我日日蒲EK既非官方資料統計，超大B 考到名幼嘅比率其實唔係高）; 早D適應學校生活。唔好處可能係小朋友各方面能力未追得上大部分同學仔　（年紀可能有近一年差距）， 長遠黎講自信心可能會低；老師亦未必照顧得到; 免疫力未build up，較易病。

相反，做超大B 會各方面都得心應手多D，唯一係可能大個時會比同學仔笑(好似repeat過)。

 

我自己一開始係一心一意以做細B為目標，超大B為後著。因為簡單地諗，未試過唔又點知自己個B得唔得呢？如果唔得咪做超大B law。又係果句，到時有得vs. ，要揀先算la (諗唔到我最後真係要做呢個抉擇，考慮過直升小學%同Baby性格兩個主要因素, 我地最終揀左做超大B，repeat N )。

 

講返坊間嘅意見，以我Baby 同mama club其他同齡BB做細B嘅體驗，開頭確係需要長時間適應 (Baby插班後喊足成個月)，但適應左之後都可以有好大既進步，至於病多左就一定會係，但易唔易病又要睇學校環境同阿B本身抵抗力。當然返N主要都係玩樂同培養自理力，長遠黎講真正嘅學習能力(同大B既差別)要遲D先至睇得到。仲有，細B幾時插N班都可能對考K有影響架，10月11月係考K高峰期，如果撞正阿B啱啱開始插班，鬧緊情緒，interview時可能會特別黏身。

 

結論係: 細B開頭搵學校係蝕底D，所以有take two 做超大B既機會，大家可以考慮拎住呢個籌碼係手，到最後先哂冷。以上面2011年10月出世為例，關鍵時間係2014年度，可以讀N又可以讀K1，如果本身2013年冇讀N，建議辛苦D要報哂兩樣，買個保險，因為真係唔好彩冇K收，都有書讀 (所以我都係傾向做細B讀N先，至少有一間K揸手，定少少)。