關於玩

我家Baby由半歳開始(很怪獸呢？）已開始上不唔同類型既playgroup，除左當一個親子節目之外，其實主要想去偷師。講真，大家都一定明白細路好需要「玩」，「玩」亦都係幼兒最好同最自然既學習方式，但實際上呢一代既港孩「玩」既時間越來越少，而我地港爸港媽有時又會不知覺地太在意「學」唔「學」到，而唔係「玩」唔「玩」夠！原本所有playgroup 基本上既概念應該就係「玩」，但齋「玩」又唔夠賣點，所以d centre自然會包裝，令我地心甘情願比錢去搵人教我地點樣陪細路玩。

 

 

當上左幾個playgroup後，其實大家又有可能會發現細路玩既方式離不開玩伴嘅玩、自由嘅玩、單獨既玩或者親子嘅玩，講真呢要提供呢D玩嘅機會唔難，吊鬼之處係點樣可以喺「玩」同「學」之中拎到比平衡，可以令細路有興趣呢？我覺得最理想嘅早教唔係「早學」、「多學」，而係「玩」住黎「學」，視細路嘅情况(興趣、能力同需要)而比佢有唔同嘅體驗。又係嗰句，講就易，做就難，但在真正埋牙時，我地又可能會唔覺意踩左入「為學而玩」嘅框框之中呢。