考N班需要咩野特別準備呢?我只喺係簡單做左以下準備功夫：
1. 買張小童枱同chair ，比D機會佢習慣坐喺樹玩玩具、睇書、同大人interact 。
2. 買戰衣比 Baby 同比自己。
3. 買左本攻略。
4. 去EK 樹索下料，睇下D interview 流程同內容。
結果呢？先講返以上頭兩點：
第一點係有用既，至少Baby 可成功完成所有interview，未試過中途離席。
第二點呢，應該冇特別幫助，只係一個比自己shopping 嘅藉口。
第三點呢，都係冇咩幫助，全港貢多間幼稚園，實情只會報十間、八間，D咩咩排名傍嘅準則有N貢多項，睇完得淡笑。
第四點呢，有個概念總好過兩手吉吉去打杖既，但當去左第一個、第二個、三個interview 之後，就發現即使幼稚園一早通知哂我地interview 所有題目，結果都可能令人沮喪，因為原來D細即使識，都未必肯做；即使肯做，又未必會笑；即使肯做會笑，亦有可能收reject 信。
其實，大部分幼稚園嘅N班模式同題目都大同小異，我家Baby第一個interview 時仲未滿一歲 (仲係成舊粉團)，雖然本身識行，識聽同跟指令，但臨場有時都會攤Q，到後期大少少時就穩定D， 但依然好難氹到佢開金口。至於group interview ，就更加有難度，只勉強跟到一小部份動作（例如拍手、指指眼），都未warm up完已經完左interview。
