幼兒園(N班)面試戰 (四) 之賽後總結

我個人嘅心得係:

 

1.      平時只需要同BB玩吓砌積木，碌吓波波，手指指爹d媽咪五官，摸下香蕉蘋果橙，同訓練下講或做Hello/Bye Bye，坐定定，吾好掟玩具同識放手玩具，interview當日狀態OK，應該可以過渡到一般幼稚園 (非名幼) 嘅N班interview，有冇幼稚園收就睇緣份lar。當然，識講野就更加骨啦。（我成日同朋友講，如果有playgroup或訓練班教個B笑，我報硬，有笑容真係加分好多架，唔係講笑）

2.      至於interview 既語言，除左係考英普班，似乎主要用廣東話，所以可能平時最好比BB有兩個語境。仲要比佢得閒見吓西人，因為有d B未見過西人，一見就會驚或者喊。

3.      細B要考N，建議首先報一D like收細B嘅幼稚園 (例如: 迦南、方方、Greenfield、英藝、啟思、太子明慧)， 同埋漁翁撤網，始終有間N係手，考K1時有backup會定好多。仲有，學校似乎唔會因為你個係細B而問淺D嘅問題架，至多見佢冇咩反應，問少D野(有時都要視乎個老師有冇時間同心機去氹佢做)。

 

最後嘅分享，當我見到自己個囡表現唔理想或零反應時　（明明入課室前仲玩得好地地，一入到去就呆哂），會好自然失望，亦試過心底會有少少埋怨阿囡（點解明明好簡單都唔肯做呢），但又唔可以比阿囡feel到。望番轉頭，真係對唔住 Baby，未夠一歲人仔就被我推入去打杖，有時仲要一日走幾場，只怪阿媽當年放唔開，到interview K時先識真係用去「玩」既心態，自我安慰根本冇人知每間學校嘅評分標準係咩，真係無謂貢「灰」。RELAX ~~~