幼稚園(K班)面試備戰 (二)之硬件

面試班

 

經朋友介紹（因唔係推介，因為話基本上班內提過既題目只係中左一、兩條），先參加左Bee Kids嘅一個seminar, 再join 左佢一期嘅面試班。

內容：一期為八堂，主要透過circle time (輪流或搶答形式）同玩桌面玩具帶出某D熱門幼稚園嘅過往試題，每兩堂有一次模擬單對單面試，家長自選心水幼稚園做mock interview，完左會即時收到一個簡單嘅assessment form。

 

我like 嘅地方；導師有耐性，學到令Baby開金口嘅方法（其實都係好簡單，鼓勵同獎品），亦可以令自己更了解Baby 嘅弱處 (起碼知道佢邊D問題一定唔肯答）。

 

我唔like嘅地方：以操題目為主(正如朋友所講，到最後都冇咩中，似乎D幼稚園每年都會有新攪作），冇乜講解面試技巧或注意嘅野。

 

總結：上堂時眼見其他大B或超大B完全冇難度做到或答到D題目，似乎好似真係冇乜必要上。相對地比較適合零面試經驗嘅新手爸媽。

 

作戰畤間表

喺七月左右，我就去各心水幼稚園website 睇收生既時間表（一般都有寫大約幾月會公佈或開始拎 form 收 form), 如果website 冇任何資料，就會直接打電話去問。跟著我就整左一個簡單嘅table, mark 低D 日子同 details (如果有）。呢個表可以令我有d planning ，例如避免旅行同活動撞交form 日子，亦可以預先同其他戰友（mama club friend) 夾一夾時間，大家幫手交form 或remind 對方。

 

申請表裝備

相

E加唔少Daddy Mami 都喜歡親自操刀 DIY 學生相，我自問冇咁嘅技術同耐性，經同一個朋友介紹搵左沙田(禾輋)百合照相館影 (因佢出名慳但都捨得影，而且又影到佢個囝好醒目)，百合個細細嘅studio 有好多毛公仔，個photographer 會一邊玩（一手揸機，一手淩空拋同接公仔, 一邊扮聲），一邊狂take shots，引到我自己同Baby 都好開心，所以影出黎嘅效果都幾好，有斯文微笑，亦有大笑嘅相（可惜唔可以揀黎做application 嘅相），至於值唔值，老土咁講，影出黎嘅效果好就覺得值架lar (自我安慰），當然，估計interview 結果同張相影成點亦冇乜關係（雖然試過有兩間K interview，老師問Baby:「張相好靚，係邊個黎呀?」，又貢啱其中一間有offer。）

 

Portfolio 

為左方便日後求位，我預備左一頁紙，主要寫幾個上得時間比較耐嘅playgroup 、Baby嘅優點同興趣 (加有關嘅生活照)同埋我地兩公婆嘅資料 (傳聞有幼稚園會考慮父母嘅background )。其實，好多要親自交嘅幼稚園都即時拒絕收，但到interview又會收。可能有人覺得報幼稚園都做Portfolio好怪獸，但我只係希望學校可以從第二個角度去了解吓Baby姐(雖然明知都係到時睇合唔合in你果個老師眼緣多…)。

 

其他

有時間就買定多$1.4郵票同信封，print定回郵地址label，當然，買呢D野都好方便，但有時真係拎起手要用就冇。