考K同考 N最大分別喺考K會直接空接問一D圍繞日常生活嘅野 (最常問動物、日常用品、生果同交通工具)，又通常會一邊睇住書或圖黎問，所以最好平時多D同阿B講書或問書。書買左唔會浪費既，但想「大包圍」既，可以考慮下以下其中一本。一本喺朋友介紹，話可以用到上小學，基本上已包哂常識嘅嘢，仲有相關內容嘅對話句子。另一本喺面試班時推介，可用Do Do筆，亦已經cover好多生活化嘅話題。
想引阿B多d講嘢，都係離唔開用以下幾招:
1.
Role Play，例如玩問答比賽
2.
真人show，爸媽親身示範，例如同大廈看更打招呼
3.
鼓勵，例如送小禮物（貼紙）
如果阿B到面試時玩封口 (最令父母擔心嘅野 )，十問九唔應，咁點算呢? 我自己嘅策略喺:
1.
首先，我自己用平時嘅問佢一次，例如: 「Baby ，你可唔可以話比媽咪同老師聽你叫咩野名呀? 」(未必work，至少希望佢冇左對答陌生人野嘅戒心先)
2.
如都仍然企硬封口，就轉個形式問引導佢，例如:「 咁你係米叫Rocky呀 (或家中寵物或屋企人名)?」 又或者係「果次媽咪米同你去海洋公園既…..見到好多魚既…咁魚喺點樣游水架?」 (時work時唔work，但至少等佢點吓頭、擰吓頭、有d反應。)
3.
最後一著，拎私伙野出黎引佢開口，例如佢嘅相或名 (如果問名)、書 (如果問動物)、顏色簿。呢個萬試萬靈，我或老師會借勢問埋其他野，但學校係米真係like就唔sure，所以建議到必要時先用。
咁阿B如果唔多識講野或唔肯講野係咪一定唔會收呢？Ummm，睇番其他EK fans嘅經驗，第一輪offer派彩時，有可能識答哂所野都未必有offer gar，如果一隻字都唔肯講，斷估機會比較細。但到有人放offer而其他人可以求位時，面試表現又變得唔多重要（睇誠意同timing）。結論又係 RELAX~~~~
沒有留言:
張貼留言