幼稚園(K班)面試備戰 (三)之教材

坊間又有好多標榜「幼稚園面試」玩具賣，想當年我都買左唔少 (好多時係經受面試班或家長講座嘅洗腦下大量入貨)，大部分係以train小肌肉為主，而大部分又真係會係interview時見到wor，但就未必係老師單對單考試時用，反而係學校用黎拖延時間，等d B唔駛齋等，有野玩吓同warm up吓。

以下係Baby 埋牙(即單挑老師時)玩過嘅桌面玩具:

1.      積木

玩法: 就喺疊高咁簡單，通常都係考3粒。

個人睇法:  雖然好簡單，但可以睇阿B玩嘅態度，有時d B砌完會自己即時推翻哂 (滿足佢地破壞慾)，Baby有時都係，好彩佢去到interview時就冇咁做，反而砌完自己拍手，好似好威咁。

2.      舀波仔

玩法: 由一個碗舀去另一個碗，有時老師會事先指示舀幾多粒或問舀左咩野顏色。

個人睇法:  可以順便評估埋阿B嘅自理能力，會唔會自己舀飯食。

3.      手抓板

        玩法: 砌番老師講嘅指定物件，如形狀/交通工具/動物，有時會追問相關問題，  例如

                隻狗仔係點叫、係邊度見到飛機等。

        個人睇法:  砌唔到似乎唔係重點，反而係對果樣物件嘅認識先至係重點。所以爸媽係同

                         玩手抓板時可以形容多D物件。

 

而Baby係interview warm up時玩得最多嘅桌面玩具，通常都係一堆堆放係枱面任玩，但亦都係因為大堆頭，見好多時d  B係隨意點吓e樣，點吓果樣，細細粒d玩具又會經常被阿B唔覺意推左落地下，爸媽就好忙咁執。

以上幾款都唔易玩　（特別對於細B），玩嘅竅門係每次只有一隻手郁或轉，另外一隻要hold住另外果半part唔郁，所以有難度架。

 

咁即係需唔需要買e類型玩具呢？　我意見係如接受到taobao嘅質素就淘少少黎玩下 (可以去我小店遂樣執D亦可)，除左lego 積木，其他都好似唔多襟玩。

https://www.facebook.com/profile.php?id=100006779291289&sk=info&edit=eduwork#!/profile.php?id=100006779291289